قصيدة الجمهره

مشكلتي إني ماعرفت أحسب لصدتهم حساب**قلطتهم صدري على ذكري قصيد
وحنجره

صوت يصول بمنبره واخطاب مامثله خطاب**والطيبه اللي زعزعت صوت الخطيب ومنبره

مافيه دمع صوبوه احبابي بوجهي وخاب**ولازرق حزني على غالي ولافج انحره

كل الزهاب إللي معي ذكرى من اصحاب الزهاب**وللي بقالي من عذاب اشرس طريقي واخطره

لإني تجنبت الغرق عديت من فوق السحاب**لإن اكثر اصحابي ورق ماشفت للطيب اثمره

والله ماحطيت بين الحقد والخوه حجاب**حتى غدوآ ربعي يحدوني على الضيق اشكره

أثر المصايب ما تجيك إلى من الناس القراب**وبها الزمن حتى الخوي إللي تثق فيه احذره

لا بارك الله في رفيقآ تزعله كلمة عتاب**ولا جمع الله الرجال إللي تفرقهم مره

الصاحب إللي ما تجي من صحبته غير العذاب**نذر عليه
إن ماهجرني وإلا انا إللي بأهجره

من يفتح لفرقاي باب افك له عشرين باب**وإذا خوي مايقدر خوتي ماأقدره

عقب إكتئاب البارحه ماعاد انا احمل إكتئاب**الطيب جرجروني وانا ماني بناقص جرجره

اللي يخاف من الظما يترك لنا طرد السراب**واللي ما هو بقد الظلام ووحشته لا يسهره

انا تجرعت الظما لين وجهي وذاب**انا كسرت بخاطري قبل الصداقه تكسره

انا اكثر إنسان تعلم من كثر ما اخطأ وصاب**انا اخر لسان يتكلم في زمان الثرثره

جفني وجرحه سهر حيلي وهدت الصعاب**دمعي هدر ضحكي ندر عمري وضيعت اكثره

شيبت بعقول العرب هيب روس ماتهاب**جمهرت ناس عمرهم مايعرفون الجمهره

ما صرت ذيب إلا لأن إللي تحدوني ذياب**ما كنت اغيب إلا لإن العفو عند المقدره

ترى حلاتك لا حملت لصاحبك كلمة عتاب**إن ما نطقت بها بوجهه ما تذمه بظهره

ودك اليامن جاتك الغلطه من الناس القراب**الصاحب إللي ماكسبت محبته ما تخسره